Irak Aretxabaletako atarteetan San Juan egunez

Aretxabaletako atarteak iraz estalita agertu dira gaur, San Juan eguna. Orain dela zortzi urte berreskuratu zuen ohitura kuadrilla batek eta ordutik urtero botatzen dute herriko atarte guztietan, izan etxebizitzak, izan komertzioak. Hainbat tokitan gurutzeak ere jarri dituzte, udaletxean esaterako.

San Juan bezperako gauean, batzuk ohera doazenean eta beste batzuk jaietara, Aretxabaletako kuadrillatxo batek irak botatzen ditu herriko atarte guztietan. Sasoi baten ere halaxe egiten zuten, batez ere baserrietan eta horri eutsi gura izan diote. Hala, orain dela zortzi urte bi lagunen artean hasitako kontuari kuadrillatxo batek eman dio jarraipena.

Aurreko egunetan jasotzen dituzte irak basoan eta gero gurdietan gorde, gerizpetan. Ekainaren 24ko goizaldean hasten dira banatzen, 01:15 inguruan eta 06:00ak aldera bukatu. Gurutzeak ere jartzen dituzte herriko hainbat atartetan, udaletxean eta udaletxe zaharrean, esaterako. Arantza-beltzarekin egindakoak dira eta gero loreekin apaindutakoak.

Aurten ere pozik hartu dituzte atarietako irak aretxabaletarrek.

Erlazionatuak

Kostata baina igo dute tantaia Aretxabaletako kintoek

Aretxabaleta

Emoziorik ez zen falta izan atzo gauean Aretxabaletako Herriko Plazan. San Juan sua itzali orduko hasi ziren tantaia jasotzeko gertatze lanetan 199...
Suaren bueltan San Juan kantuan egin dute aretxabaletarrek

Aretxabaleta

Kontu zaharrak erre eta berriei lekua egin diete aretxabaletarrek San Juan suaren bueltan elkartu eta kantuan eginda.
Udako solstizioari ongietorria egin diete herritarrek

Aretxabaleta

San Juan bezperako eta San Juan eguneko ohiturak izan dituzte gogoan herritarrek, eta aurten ere suaren bueltan kantuan egin dute, tantaia jaso dut...
Aretxabaletako 1997ko kintakoak pinua mozten eta Herriko Plazara eramaten

Aretxabaleta

Ohiturari eutsita, Aretxabaletan datorren urtean Santa Ageda neska-mutil izango diren gazteak, 1997an jaiotakoak, arduratu dira pinua Herriko Plaza...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.