Orain dela bi urte, Europako funts bat baliatuz, Arabako Aldundia, Eusko Jaurlaritza eta Espainiako Gobernua Aramaion zuntz optikoa jartzen hasi ziren. Telefonicak irabazi zuen horretarako lehiaketa: lehiaketa zuntz kilometro kopuru baten arabera irabazi zuten eta kopuru hori jarri zuten. Baina, ez da nahikoa izan zuntza Aramaioko etxe guztietara iristeko.
Zuntz barik dauden guneak
Udalak auzo-alkateen eta herritarren laguntzari esker jakin du non falta den zuntza: auzune bat baino gehiago dute elizateetan: Eguzkierripa, Zalgo, Arraga, Errotabarri, Suña, Muru, Zabola, Altzaga, Aldeko-Agarre-Mendako eta Zubieta; eta, auzuneetatik urrun dauden etxeetan.
Udalak deia egin du: bi kasuistika horietatik aparteko kasuistika baten baldin badago norbait, udaletxean jakinarazi dezala.