AHTko lanek Untzilla auzoan eragindako kalteak salatu dituzte

AHTko obrek eraginda Aramaioko herritar batek bere etxetik kanpo lo egin behar izan duela salatu du Debagoieneko AHT Gelditu elkarlanak.

Untzilla auzoan egiten ari diren AHTren obretako gune batean euste horma bat behera etorri zen azken asteetako euriteen ondorioz. Hori dela eta, "babesa eta elkartasuna" eskaini nahi izan diote Lugartegi baserrian bizi den aramaioar kaltetuari eta Abiadura Handiko Trenaren lanek kaltetu dituzten beste Debagoiendarrei ere.

Debagoieneko AHT Gelditu elkarlanetik urteak daramatzatela "obrek eragindako kalteak jasaten", eta Abiadura Handiko Trena "inoiz ere egin behar zen astakeria" dela azaldu dute. Gainera, AHTko metro bakar baten diruarekin kaleratze bat geldi daitekeela, euskarazko hedabide bat sortu daitekeela edota 100 pentsionista pobreziatik atera daitezkeela azpimarratu dute.

Obrek eragin dituzten kalteak salatu nahi izan dituztenen artean Lierni Altuna Aramaioko alkatea ere izan da Debagoieneko AHT Gelditu elkarlaneko kideekin batera.

Erlazionatuak

Lur-jausiak ez du txarrera egin, eta Adif-ek zundaketak egingo ditu

Aramaio

Zorionez, Aramaion zeukaten beldurra ez da egia bihurtu, eta aste bukaerako eguraldi txarrak ez du Aramaioko lur-jausian eraginik izan. Luizia ez d...
AHTrako euste-horma batean lur-jausia gertatu da Untzillan

Aramaio

Bertan dagoen Lugartegi baserriko bizilaguna atzo arratsaldean ohartu zen euste-hormak eusten dituen bere lurretan pitzadurak zeudela. Udaleko ardu...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.