Aramaioko Haur Hezkuntzako gazteek ikasgelatik irten, eta ingurumena zaintzeaz gain, herria apaintzeko aukera polita izan dute goizean. 3, 4, eta 5 urtekoak izan dute euren ohiko jolas lekuaren ondoan dagoen kultura etxearen ataria lorez betetzeko ardura.
Aurten petunien, begonien eta tajeteen artean aukeratu behar izan dute gaztetxoek, eta lora hartu ostean, aitzur txiki batzuen laguntzarekin zuloa egin eta gaztetxoek gustura sartu dituzte eskuak lurrean.
Natura horren presente dagoen herri batean, ingurumenaren garrantzia zabaltzeaz gain, lora landatze honek, ikasleei, naturaren zaintza abentura bezala jasotzeko aukera eman die.
