Antzuola eta Aiherra arteko senidetze-eguna ospatu zuten 42. aldiz

80 bat lagun elkartu ziren zapatuan Antzuolan, bi herrien arteko harremana eta urteetan sortutako adiskidetasuna ospatzeko.Goizean heldu ziren aihertarrak Antzuolara, Olaran etxean egin zieten harrera bertakoek, kafearekin eta askotariko gozoekin. Aspaldiko lagunak berriz ikusteko aukera izan zuten. Harrera ostean, Bergarara joan ziren, Olaso dorrea eta Laboratorium museoa bisitatzera. Bi leku horietan, herriko ondare historiko eta zientifikoa gertutik ezagutzeko aukera izan zuten. Bisitaren ostean, Antzuolara itzuli ziren bazkaltzera.