Trekutz egunak erantzun bikaina izan du

Arrola Mendizale Elkarteak urtero egiten zuen Finalista Egunari lekuko hartu dio Trekutz Egunak. Herriko gazte talde baten ekimenez iaz hasi ziren ospakizunarekin. Iaz moduan, aurten ere, erantzuna ezin hobea izan da. Batzuk bizikletan, beste batzuk oinez eta bakar batzuk autoz igo ziren zapatuan, bertara.

Autoa ahalik eta gutxien erabiltze aldera, hainbat herritar oinez abiatu ziren 10:00etan, Antzuolako Herriko plazatik. Txirrindulariak ordu erdi beranduago. 10:30ean, dortsal eta guzti. Antzuolatik Trekutzeraino dauden bost kilometro gogorrak egin ostean, hamaiketakoa egin, eta bolo txapelketa izan zuten, besteak beste. Ekitaldi guztiak bukatu zirenean, mahaiaren bueltan jarri ziren, bi paella erraldoi jateko. Guztira, 28 kilo arroz egindako paellak jan zituzten.

 

Errelebo eske

Antolatzaileak pozik agertu arren, datorren urterako erreleboa ere eskatu zuten, Trekutz eguna antolatzeak izaten duen lan gogorragatik. "Goizeko 07:00etan esnatzea, honek duen lana gure kargu izatea… datorren urtean erreleboa badugu eskertuko genuke…", adierazi du Mikel Lizarazu antolakuntzako kideak.

 

 

Erlazionatuak

250 lagunek bazkaldu dute Trekutz Egunean

Antzuola

Batzuk bizikletan (29 txirrindulari), beste batzuk oinez eta bakan batzuk autoz igo dira goizetik Trekutzera. Natura eta festa eskutik dakarren asp...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.