Logoa

Kultur Astea Ipintza Institutuan

 Bergara Urtero bezala aurten ere Kultur Astea izango dute Ipintza Institutuan. Urtarrilaren 27an, asteartea, emango zaio hasiera eta urtarrilaren 30ean, Santo Tomas egunean, amaituko da. Hiru atal nagusi izango dira: Mahai Inguru bat "Txirrindularitza" gaiarekin, Herri Krossa eta Olinpiadak.

EHNA egiteko aukera Osintxun eta Angiozarren

 Bergara Bai Euskal Herriari taldeak Osintxu eta Angiozarrera eramango du EHNA tramitatzeko aukera. Domekan hurbilduko dira Osintxura, eta otsailaren 1ean, Angiozarrera.

Saharako errefuxiatuen kanpamentuak bisitatuko dituzte zenbait herritarrek

 Bergara Arrakastatsua izan da janaria batzeko kanpaina Saharako kanpamentuetan bizi diren errefuxiatuendako. Iaz beste janari jaso dute Bergaran, eta datorren aste hasieran bidaliko dute Donostiara. Era berean, zenbait herritarrek Saharako kanpamentuak bisitatuko dituzte apirilaren 7tik 11ra.

Herriko odol emaileak: iazko zifrak hobetu nahirik

 Bergara Gipuzkoako odol emaileen elkarteek –Bergarakoak tartean– odol ateratzeak gehitzeko kanpaina jarri dute martxan. Gipuzkoan, aurten, 33.000 odol ateratze lortzea da helburua. Bergarako Odol Elkarteari dagokionez, odol emaile gazteak erakartzea da asmo nagusia.

Kultura etxeko erakusketa gela liburutegi egingo dute

 Bergara Udal Liburutegian dagoen toki arazoa dela-eta, kultura etxeko erakusketa aretoa haur liburutegi bihurtzea erabaki du Udalak. Dena dela, aldaketa hori egingo dute Arostegi etxean aurreikusita dagoen erakusketa areto berria egin eta gero.

Logotipo lehiaketa Euskal Herriko Itzuliari begira

 Bergara Euskal Herriko Txirrindulari Itzuliko lehen etapa antolatzen dabilen herri batzordeak logotipo lehiaketa deitu du Bergarako Lehen Hezkuntzako ikasleen artean.

Gangster jantzita ordaindu du Herri Mugimenduak isuna

 Bergara Goizean ordaindu du Herri Mugimenduak San Martinetan txosna jartzeagatik Udalak jarritako 360 euroko isuna. Halakorik berriz ez gertatzeko, txosna jartzeko egutegia adostu dute bi aldeek.

Ubera auzoan San Pauloak ospatuko dituzte asteburuan

 Bergara Asteburuan San Paulo jaiak ospatuko dituzte Ubera auzoan. Egubakoitzean hasi eta domekara bitartean, ekitaldi ugari izango dira auzoan.

Bergara eta Antzuola arteko bideak itxita jarraituko du lauzpabost hilabetean

 Bergara Denbora hori omen da gutxienez mendia "lotzeko" beharko dutena, Gipuzkoako Diputatu Nagusi Joxe Joan Gonzalez de Txabarrik asteazkenean Antzuolan adierazi zuenez. Bergara eta Antzuola arteko bidea iazko azaroan itxi zuten, San Antonio auzoan mendia zatika-zatika errepidera erortzen ari zelako.

Gitarra ikastaroa Jardun elkartearen eskutik

 Bergara Bergarako Jardun elkarteko gazte sailak antolatutako ekimen berria da. Ikastaroa otsaila eta apirila bitartean izango da, Arrizuriaga jauregian. Izena emateko epea otsailaren 2an bukatuko da eta plaza mugatuak egongo dira.

Iñaki Manuel, Espainiako txapeldun Euskadiko eskubaloi selekzioarekin

 Bergara Gazte mailako Euskadiko Selekzioarekin Espainiako Kopa Txapelketa irabazi du Iñaki Manuel gazte bergararrak (17 urte). Gabonetan Madrilen jokatutako txapelketan, Euskadik jokatutako bost partiduak irabazi ditu, eta Iñaki txapelketako golegile nagusia izan da, 24 golekin.

Jaiak ospatuko dituzte San Anton auzoan asteburuan

 Bergara San Antonen jaiak ospatuko dituzte asteburuan. Zapatuan hasi eta domekara bitartean hainbat ekitaldi egongo dira. Tartean, ohiko krosa eta mus txapelketa izango dira.

www.bergara.es da udal webgunearen helbide berria

 Bergara Bergarako udal webgunea 2003ko maiatzaren 13an jarri zen martxan. Herritarrei zuzendutako informazio ugari biltzen da bertan; baita kanpotarrentzako eduki interesgarria ere. Albistegiak, egutegiak eta kudeaketa sistemak, webgune dinamikoa ahalbidetzen dute.

Organo Erromantikoaren V. Nazioarteko Zikloaren barruan, emanaldiak San Pedron

 Bergara Bergarako, Azkoitiko eta Azpeitiko Udalek antolatu dute Organo Erromantikoaren Nazioarteko V. Zikloa. Bergaran San Pedroko organoan egingo dituzte emanaldiak. Herri bakoitzak duen organo erromantikoaren doinu aparta aprobetxatu nahi izan dute.

Iñaki Calvo, Gipuzkoako ziklo-kros txapelduna

 Bergara Iñaki Calvok Gipuzkoako ziklo-kros txapelketa irabazi zuen 23 urtetik azpikoen mailan, Itsasondon, abenduaren 28an. Aste bukaeran Espainiako ziklo-kros txapelketan hartuko du parte, Valladoliden.

Arbola erori da errepidera Deskargako mendatean

 Bergara Haize bortitzak eraginda arbola bat erori da errepide erdira Deskargako mendatean eta arazoak eragin ditu zirkulazioan. Goizeko 8:15ean erori da zuhaitza errepide erdira, Bergarako noranzkoan, eta bederatziak bitartean Ertzaintzak bideratu behar izan du zirkulazioa.contributors:

Gabonetako hainbat zozketa

 Bergara Gabonetan ohikoa denez, herriko hainbat taldek zozketak antolatu dituzte. Hona hemen orain arte jasotako emaitzak.

Bizar Zuri eta Erregeen Kabalgata

 Bergara Gabonak azken txanpara iritsi dira. Olentzeroren opariak jaso genituen gabon gauean eta orain Errege Magoen txanda da. Ibarreko beste hainbat herritan moduan, Bergarara ere iritsiko dira Erregeak Bizar Zuri-rekin batera.

Herri mugimenduetako taldeek isuna ordaindu beharko diote Udalari

 Bergara Bergarako Herri mugimenduetako talde eta elkarteek salatu dute Udalaren jarrera. Kontua da, isuna ordaindu beharko dutela txosna jartzeagatik baimenik gabe. San Martin jaietan jarri zuten txosna, Munibe plazan, eta Udalak 360 euroko isuna jarri die Herri Mugimenduetako taldeei.

"Mártires del Compás" musika taldea Jam aretoan hilaren 19an, ostirala

 Bergara Talde andaluziarrak "Empaquetado al vacío" diskoa aurkezteko azken emanaldi emanaldia izango da. Kontzertua gaueko 22:00etan hasiko da eta sarrerak 13 euroko (aurretik) eta 15 euroko (bertan) prezioa du.

Gida komertziala

Gida komertzialeko produktuak