Ondarearen Europako Jardunaldien bueltako hitzordua izan da Oñatikoa. Ganbara abesbatza arduratu da erakusketan batutako XII. eta XIII. mendeetako Testu Liturgikoen Kodeen orriei bizi ematen. Monodiak izan dira emanaldiko protagonistak.
Musika-idazkeraren lehen urratsak jasotzen dituen erakusketa izanik, notazio sistema ezberdina zuten partiturak erabili behar izan ditu Ganbarak. Santa Mariaren Kantigak, Kantu gregorianoa eta Gipuzkoako Probintziako Artxibo Historikoko notazio musikalak interpretatu dituzte, aretoan batutako 40 bat herritarren aurrean.
