Oñatin eskubaloiak duen indarra agerian geratu zen beste behin. Oraingoan gainera, emakumezkoen eskubaloia izan zen protagonista. Selekzioen arteko norgehiagoka eta goi mailako kategorietan jokatzen duten euskal taldeak.
Barakaldoko Zuazok jokalari guztiekin egin zion aurre Euskal Kopako finalari. Bera Beran, jokalari batzuk lehen taldekoak ziren eta beste hainbat bigarren taldekoak. Izen handiak elkartu ziren kantxan. Asko, emakumezkoen eskubaloiaren erreferente.
Finala, bizkaitarrendako
Duda barik, Bera Bera da Gipuzkoako klub nagusiena. Lurraldeko emakumezkoen eskubaloia Europan zehar eramaten duena; besteak beste Txapeldunen Liga jokatzen. Euskal Kopako finala Oñatin jokatzea "pozgarria" izan zen Bera Berako entrenatzaile Imanol Alvarezendako.
Euskadiko bi talde indartsuenek Euskal Kopako finala Zuazok irabazi zuen, akaso, pronostiko guztiak hautsita. Lehia parekatu batean 25-23 menderatu zuen Bera Bera.
Selekzioak ere bai
Kopako Finalaren aurretik, selekzioen arteko partidua jokatu dute Argentinak eta Erresuma Batuak. Basque Country International Womens Cup txapelketari dagokion lehia jokatu dute, eta argentinarrek irabazi dute 23-18.
