Joan den urteko aurrekontuaren likidazioa irakurri zuen Paskual Elustondo Darpon udal kontu-hartzaileak martxoko osoko bilkuran, eta balorazioa positiboa dela esan, hainbat irizpide erabilita; hala, Udalak ez duela plan ekonomiko finantzariorik egin behar datorren urteari begira. Likidazioaren berri emanda, horri lotutako kreditu aldaketa onartzea zen gai-zerrendako hurrengo puntua, eta bat egiten ez zuten ikuspuntuak azaldu zituzten udalbatza osatzen duten bi alderdietako ordezkariek. Proiektuen exekuzio-mailan iritzi ezberdinak dituztela agerian gelditu zen.
Landa Garapena departamentuak kudeatzen dituen diru laguntzak onartu zituzten eta energia berriztagarrien kanonaz ere jardun zuten. Parrokiako abesbatzarekin lau urterako lankidetza hitzarmena onartzea eta eta Aloña Mendi kirol elkartea diruz laguntzea ere onartu zuten.