Arantzazuko Amaren Egunean izan dira norbanakoak eta erakundeetako ordezkariak

Arantzazuko Amaren Eguna da gaur, irailak 9, eta santutegian elkartu dira norbanakoak eta erakundeetako ordezkariak; tartean, esate baterako, Eider Mendoza, Gipuzkoako ahaldun nagusia; Bakartxo Tejeria, Eusko Legebiltzarreko lehendakaria; eta Izaro Elorza, Oñatiko alkatea. Eguerdi aldera Oñatz dantza taldekoek aurreskua dantzatu diete erakundeetako ordezkariei eta horren ondoren, gehienak basilikara joan dira Fernando Prado Donostiako gotzainak esandako meza nagusia entzutera.