Debagoienean eta Debagoienetik kanpo sona handia duten musikariak gonbidatuko dituzte Goienako podcast gelara, eta taldekideekin lasai jardungo du kontu kontari Bereziartuak, "B aldea azaleratu dezaten horiek". Musika estilo eta proposamen guztiek izan dezaketela lekua gaineratu du. Saioa beti borobilduko dute talde gonbidatuak zuzenean jotako abesti pare batekin.
Hurrengo egueneko, hilaren 11ko, gonbidatua Aretxabaletako Kaparrak taldea izango da. Goiena telebistan emango dute 20:00etan eta 22:00etan, eta ondoren, Goiena.eus-en nahieran egongo da.
