"Duela urte batzuk Ganbara kantu eskolak ipuin musikatuak proiektua jarri zuen martxan. Helburua, euskal ipuinak berreskuratzea zen; gure kasuan, abesbatza bat garenez musika jarri nahi genien ipuinei. Gainera, ipuin musikatu asko daude ingelesez, baina, euskarazkoen beharra ikusten genuen, ikastetxeetarako, musika eskoletarako… Duela hamar urte jarri genuen martxan ipuin musikatuak proiektua eta hiru ipuin argitaratu genuen, euren diskoarekin, marrazkiekin, karaokearekin… eta hor geratu zen proiektua. Duela bi urte proiektua berrartu, eta, Oñatiko ipuinak izenpean hasi ginen lanean, eta hor kokatzen da Makilakixki".
Hurrengo lana martxan; 'Tartalo'
"Oñatiko ipuinak eta Makilakixki proiektua Oñati oinarri hartuta, Oñatiko tokiak, mendiak, pertsonaien izenak… ditu, eta honakoa laugarren lana da, baina, bosgarrena ere martxan dugu. Tartalo bosgarren proiektua izango da, eta, hiruhilabete barru aterako dugu". Hurrengo lana modernizatzea ere helburu dugu. Hau da, QR kode batekin, disko erreproduzitzailerik ez duenarentzat".
