Pandemia aurretik Irazan Gazte Taldetik sortutako antzerki taldea da Zarta. Hasieran, hamar kidek osatzen zuten taldea, baina, pandemiak eta partaideen gorabeherak medio, gaur egun lau kidek osatzen dute: Lide Arregi, Eider Hipolito, Naroa Sanz eta Aiora Davenne. Hain zuzen, taldea ez desagertzearen arrazoietako bat lauren antzerkian jarraitzeko zuten "gogoa" izan zela azpimarratu du Hipolitok. Horretaz gain, aukera ezin hobea iritsi zitzaien duela urtebete. "Oñatiko ikastolek proposatu ziguten Martxoaren 8rakoantzezlan bat egitea, eta jendearen erantzun ona ikusi ostean erabaki genuen hori izango zela gure proiektua", dio Hipolitok.
Isiltasunaren gatibu'
Horixe da Zarta taldeak gaur gauean Santa Ana antzokian taularatuko duen lanaren izenburua. Bertan, emakumeek eta, batez ere, emakume gazteek jasaten dituzten zapalkuntzen in-
guruan antzezten dute, arreta lau egoeratan jarrita: adin desberdintasuna erlazioetan; emakumeei ematen zaien ahotsa hainbat tokitan; parrandetan jasaten dituzten eta fintzat hartzen diren erasoak; eta sare sozialetan ikusten den feminismoa, lanketarik ez duena. Urtebetean taldea eta antzezlana ere aldatu egin dira. "Lehenengo aldian dena oso azkar joan zen eta ikusi genuen zerbait hobea egiteko gai ginela, eta, nahiz eta erraza ez den, izan aurreko urtekoa baino landuagoa den antzezlana egitea lortu dugu", adierazi du Naroa Sanzek.
Urduri eta gogotsu
Lehen aldia izango dute horrelako antzoki batean eta urduritasuna nabari da, baina lan "txukuna" egiteko prest daudela adierazi du Davennek.