Pasa den egubakoitzean, otsailaren 3an, aurkeztu zuten Oñatiko Kultur Etxean ‘Goribar Kasablanka XX.mendeko bizitza argazkitan’ liburua. Bi urteko lanaren ondoren, argia ikusi du lanak. Aurkezpen ekitaldian Jesus Mari Ugartek, liburuaren egileak auzotarren berotasuna jaso zuen. Iñaki Olalde, Udaleko kultura zinegotziarekin batera aurkeztu zuen.
Auzotarren kolaborazioa ezinbestekoa izan da liburua argitaratzeko, izan ere, haiek emandako argazkiekin osatu da liburua. Liburuaren kostua handia izan zela gaineratu zuen, kalitateari garrantzia eman diotelako, liburuan orri sendoak jarrita. Horregatik, udalari eskerrak eman nahi izan zizkion liburua finantziatzegatik.
Liburuaren aurkezpena eginda, orain liburua salgai egongo da 20 eurotan, Txokolaterixan eta Turismo Bulegoan.