Lan-aholkularitza eta orientazioa ditu hizpide Maratz egitasmoak. Hainbat baliabide emango dizkie gazteei: hala nola, beken inguruko, lan-ikastaroen gaineko eta lanarekin lotutako dirulaguntzen informazioa; Oñatiko nahiz eskualdeko enplegu-baliabideak ezagutaraztea, enpresa berriak sortzeko bitartekoen informazioa, eta gazteei zuzendutako laguntza eta baliabideak eskuratzeko informazioa.
Oñatiko Udalak eskaintzen ditu laneratze-zerbitzuak, baina Oñatiko haur eta gazteria batzordeko zinegotzi Iker Oñatek adierazi du, "gazteen lan aukerak edota ikasketak bukatu osterako bide posibleak ikusarazteko bideak aztertzeko eta abiarazteko beharra" identifikatu zutela. Horri erantzuna emateko osatu dute Maratz, Oñatiko gazteendako lan-orientazio zerbitzua". Haurrak eta Gazteria sailetik bultzatutako ekimena da eta Sozioekonomiaren sailarekin egidako elkarlana du oinarri.
Aurrez aurreko zerbitzua izango da. Gaztelekuko bulegoan egongo da, martitzenetik egubakoitzera, 10:00etatik 13:00era. Halaber, 943 71 82 57 telefono zenbakira deituta edota gazteinformazioa@onati.eus helbide elektronikora idatzita ere jarri ahal izango da harremanetan.