Populazioak gorakada izan du 2001etik 2021era bitartean, Oñatin. 10.565 biztanle zeuden lehen urte horretan, eta iaz, 11.367 ziren. Hau da, 802 herritar gehiago zeuden guztira, eta 7,59 puntukoa izan da igoera.
Igoera horretan eragina izan dezakeen faktoretako bat da jaiotza tasa, 2001etik 2016ra bitartean heriotzak baino gehiago izan baitira, 2020an izan ezik. Hala ere, 2017tik aurrera argi dago beheranzko joera, heriotzak baino gutxiago dira.
Adinari dagokionez, Oñati ere gero eta zaharkituagoa da. 2001ean populazio osoaren %24,46 osatzen zuten 60 urtetik gorako pertsonek, eta 2021ean, %31,96koa zen datu hori. 20-59 urte artekoetan, berriz, ia hamar puntuko beherakada egon da, eta gazteenetan, ia bi puntu igo da datua.
Migrazio mugimenduak, bailarako beste herri handienekin alderatuta, ez dira nabarmentzekoak izan Oñatin; izan ere, datuek erakusten dute ez dela jende asko joan kanpora, eta alderantziz: kanpotik ez da jende asko gerturatu. Dena den, nabarmentzekoa da 2021ean jaso duela herriak immigrazio gehien.
Egin diren joan-etorri horietako gehienak Araba, Bizkaia eta Gipuzkoa artean eginikoak izan dira immigrazioetan zein emigrazioetan, azken urteetan igo egin den arren Espainiatik kanpoko migratzaileen kopurua.
