Dantzari txikiz bete ziren domekan Oñatiko kaleak goizean goizetik. Hamabi dantza taldeko dantzariek ospatu dute aurtengo Oñatiko haur dantzarien eguna, 700 dantzari inguruk, alegia.
1970.ean egin zuten lehendabiziko aldiz haur dantzarien eguna Oñatin, eta Oñatz dantza taldearendako mugarria izan den 50. urteurrena prestatzen hasi ziren 2019an. Pandemiak, baina, bi urteko etena ekarri du eta hala, 2020an ospatu behar zutena, aurten ospatu dute.