Dokumentazio, alkohol eta droga kontrolak egin ditu Oñatiko Udaltzaingoak azken bi asteetan. Gutxi gorabehera 140 kontrol inguru egin dizkiete bai gidari arruntei, baita profesionalei ere bi asteotan; tartean, kamioilariei, herriko autobus txikiko gidariariei nahiz udal-zerbitzuko ibilgailuei. Orokorrean, jarri dituzten isun gehienak dokumentazio faltagatik izan dira. Droga eta alkoholari dagokionez ez dute positibo bakar bat ere atzeman. Balorazio positiboa egin du Idoia Lazpita Oñatiko udaltzainburuak.