Atzo abiarazi zituzten Oñatiko Unibertsitatea izena hartu duten lehen arkeotopaketak. Egubakoitzera bitartean, arkeologiaren esparruko 32 ikerlari elkartuko dira bertan. Aurtengo gaia da Harrizko lehengaiak Pirinioetako historiaurrean, eta helburua da nolabaiteko sare bat sortzea gai horren bueltan. Alvaro Arrizabalaga da topaketa hauen bultzatzaile nagusietako bat.
Aurrerantzean urtero egingo dituzte arkeotopaketak Oñatin. Aurten, gainera, bi izango dira; izan ere, udazkenean beste bat egingo dute pandemia kontuak tarteko atzeratutako edizioa errekuperatzeko.
Pirinioetako ingurunea aztertzen duten ikerketa-taldeen arteko sare-lana sustatzeko helburuarekin jaio dira arkeotopaketak. Bultzatzaileen artean dira Euskal Herriko Unibertsitateko historiaurre saila, Oñatiko Udala eta Arrikrutz Kobak.
2022 mai 25 Oñati
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
