Ainhoa Murua oñatiarrak Poloniako Katowice herriko Panewniki basilikan dihardu boluntario lanetan. Galdakaoko Boluntarioen Gizarte Elkarteko kidea da eta zubi-lanak egiten ditu Euskal Herriko harrera-familien eta Poloniako mugara heltzen diren errefuxiatu ukrainarren artean.
Orain hilabete dela, martxoaren 26an, heldu zen Poloniara. Euskal Herriko elkarteekin harremanetan daude Poloniako boluntarioak eta Katowiceko tren eta autobus geltokietara heltzen dira errefuxiatu gehienak. Harreragunean atseden hartu eta Euskal Herrirako autobusa itxaroten dute. Emozionalki zein fisikoki jota heltzen dira errefuxiatuak. Bizi duten egunerokoa zelakoa den azaldu du Muruak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.