90eko hamarkadako Hor Konpon taldeko kideak dira Oñatiko Mila Modu taldean ari diren hiru kide: Xabi Yaniz, gitarra-jolea eta abeslaria; Andoni Campos, baxu-jolea; eta Oskar Arlanzon, bateria-jolea eta perkusionista. Laukotea da Mila Modu, Rober Ferreiro gitarra-jolea –garai bateko Malenkonia taldekoa– batuta.
Absurdoaren paradisua bilduman batu zituzten sei kantu, 2020an, eta aurtengo martxoan argitaratu dute Intra, hamar abesti berrirekin. Hemen Debagoiena saioko Akordeak musika tartean izan dira Yaniz eta Campos; Oñatiko Santa Ana aretoko harreran grabatu dute Inor ez da inor abestia, bi gitarra lagun dituztela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.