Gazteria eta Partaidetza departamentuak aritu dira prozesu honetan elkarrekin lanean eta oso prozesu aberasgarria izan dela diote bateko eta besteko batzordeburuak zein parte hartu duten hezitzaile eta teknikariek. Modu naturalean eta gertutasunean egin direla diote.
Gazematikan kokatzen da honen abiapuntua, Gipuzkoako Udalak eta Aldundiak osatzen duten egitasmoa da eta hor proposatu zen ideia. Gazteen emozioak ezagutzea zen erronketako bat, eta horiek ezagututa, zelan lagundu bestea. Gaztelekuko zerbitzua eta erabilera hobetzen laguntzeko ekarpenen artean, daude, dagoeneko gauzatu diren hauek: Kuboaren espazioa berrantolatzea, eguraldia ona denean terraza jartzea eta udan igerilekuak jartzea frontoian. Ortua jartzea edo topalekua ordutegitik kanpo erabiltzea ere eskatu dute, eta aztertzen ari dira orain eskaera horiek.
Apiriletik aurrera, bestalde, ordutegi zabalagoa izango du Kuboak eta baliteke gaztelekuak beste itxura bat izatea laster, apaintzeko ideiak ere badituztelako erabiltzaileek.
