Aialan Euskadiko junior mailako txapela jantzi ostean, Espainiako Ziklo-kros Txapelketan izan da Aimar Madina txirrindulari oñatiarra asteburuan. Euskal Herriko barrutietatik oso ezberdina izan den zirkuituari egin diote aurre lasterkariek Xativan (Valentzia), eta "irteera kaxkar baten ostean, buruan neukan helburua bete gabe" egin du itzulerako bidaia; 23. izan zen Madina. Errepideko denboraldiari begira jarria da dagoeneko, eta "presiorik gabe, aurreko urteko maila mantentzea" izango du helburu. Ez du lan erraza aurretik, egungo Euskadiko junior mailako txapelduna baita errepidean ere. Hona Xabi Urzelairekin urteko lehen Harmailatik saioan izandako solasaldia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
