Oñatiko Udala azken urteotan helburu bat lortu nahian dabil: udalaren eta herritarren arteko komunikaziorako bitartekoak hobetu eta eraginkorrago bilakatu. Horretarako hainbat dinamika eta tresna sortu dituzte herritarren eskura jartzeko. Horien artean, maiatzean, Udalaren webgunearen eguneraketa aurkeztu zuten; ahalik eta klik gutxien eginez, herritarrek beraien helburua lor zezaten helburuarekin. Aplikazioa, bestetik, horri jarraipena emateko bidea izan da.
Azken urteetan bizitakoak nabarmen indartu du mundu birtuala, eta, oro har, komunikazioa. Eten barikoa da bilakaera. Udalari, prozesu horretan sortzen diren beharrak eta aukerak aintzat hartzea dagokiela adierazi dute, eta bide horri helduz sortu dute aplikazioa. Herritar guztiek eskuratu ahal izango dute aplikazioa: debalde da eta Google Play edo App Store-en bidez deskargatu daiteke. Bertan, ‘Oñatiko Udala’ idatzi eta lehenengo aukera deskargatzen.
