Bederatzi kantu eskaini dituzte Arantzazu trioko kideek, eta oholtza gainera igo diren beste zenbait gonbidatuk. Karmelo Mendizabalek, Iker Orozkok, Xabi Ugartek eta Jesus Mari Aranburuk.
Hiru bloketan banatutako omenaldia izan da, eta Juan Carlos Irizarren familiako kideez gain, Oñatiko udal ordezkariak, eta beste zenbait gonbidatu berezi ere izan dira Santa Anako areto betean. Horietako bat izan da, Mikel Tellaetxe, Aita Menniko gerentea. Ondo ezagutzen zuen Irizar, eta ekitaldiak emandakoarekin "pozik" agertu da: "Juan Carlosen obra artistikoaren errepasoa egin dute gaurko ekitaldian, eta maitasun handiz prestatutako ekitaldia izan da. Zenbait proiektutan lagundu zigun guri Aita Mennin, eta bere musikaz gain, bere izaera, besteei laguntzeko eskuzabaltasuna, eta bere bihotz-ona azpimarratuko nituzke".
