Etorkizuneko Oñatiko musika eskola irudikatzeko prozesua abiatu dute

Jokin Bereziartua Lizarazu 2021ko urr. 27a, 15:40

Jose de Azpiazu musika eskolaren gaiari irtenbidea eman nahi dio Oñatiko Udal gobernuak. Irisgarritasunari eta bestelako arazoei begira, gaur egungo egoitza ez da egokia eta etorkizuneko musika eskola nolakoa izango den irudikatzeko prozesua abiatu dute. 

Diagnostiko batekin hasiko da prozesua, eskaintza pedagogikoa aztertu, plan estrategikoa diseinatu eta hartarako beharrezko litzatekeen espazio egokia zehazteko. Musika eskolak Oñatin herritar asko mugiarazten dituelako. 

Udal Gobernuarendako "proiektu estrategiko bat" izanik, "azterketa estrategiko bat" garatu nahi dute. Partaidetza prozesu bat, bereziki Musika eskolako komunitatea eta Udala gidari izango dituena. Diagnostikoa 2022ko urtarril edo otsailerako amaitzea espero dute. 

Musika eskolako ordezkariek esker onez hartu dute Udal Gobernuak abiatu berri duen prozesua eta aurretik lanean aritu direnak gogoan, oso gogotsu daude etorkizuneko Jose Azpiazu musika eskola nolakoa izango den irudikatzeko. 

Agintaldi honetako beste proiektu estrategiko bat Emakume Etxea gauzatzea izango da Udal Gobernuarentzat.   

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak