Nerabezaroan Latzen taldean jardun zuen eta, besteak beste, Potemkin, Amonal eta Lenao taldetan ibili zen gero Iker Martinez oñatiarra. Hiru disko ditu bere izenean sinatuta, Hegaldiak da azkena. Hemen Debagoiena saioko Akordeak musika tartera gonbidatu dute.
Martxoan grabatu zuten, Garate estudioan, Iñaki Zubiarekin eta Martxel Arkarazorekin, baina Oñatiko zinema aretoan egin zuten aurkezpen txikia izan ezik, ez dute jendaurrean erakutsi; hala, zapatuan izango da estreinako kontzertua, Arantzazuko Goiko Benta ostatuan. Goienakideentzako kontzertu esklusiboa izango da eta bi saio egingo dituzte, 30 lagunentzako bakoitza. Sarrerak agortuta daude.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.