"Erasotuak hala nahi izan duenean" egin dute publiko gertatutakoa. Gaineratu dute, halaber, ez dutela halako erasorik onartuko, "ez txosnagunean eta ez beste inon". Erasoen aurkako protokoloa dauka txosna batzordeak, eta "lehenengo momentutik" aktibatu dute. "Hala ere, hutsune batzuk ikusi ditugu eta herritarren eskura telefono bat jartzea erabaki dugu, babes feminista emateko". Hau da zenbakia: 603 36 11 57.
Erasoaz gain, herriak, oro har, izan zuen jarrera ere salatu gura izan dute: "Oso giro eskasa sortu zen, batez ere ekintza feminista egin genuen momentuan".
Izaro Elorza Oñatiko alkateak ere erasoa gaitzetsi du. "Manifestazio deialdiarekin bat egin dugu, erasoa salatzeko eta esateko gure herrian ez dugula onartzen halako erasorik, ez jaietan eta ez beste inoiz".