Kanpainaren helburua herritarrak erosketak herriko saltokietan egitera animatzea da. Eta Oñatiko gazteei zuzenduta dago "bereziki", "azken horiek baitira batez ere erosketak Oñatitik kanpo egiteko joera gehien dutenak".
Azken 3 urteetan, herrian erosteko joera kanpoan erostekoa baino gehiago zabaldu da herritarren artean. Oñatin bertan orain dela hiru urte baino gehiago erosten duten herritarrak: %39; kanpoan gehiago erosten dutenak: %22. Herritarren %95ek inoiz herriko saltoki txikietan erosten dutela adierazi dute. Hala ere udaletik azpimarratu zuten, datuok kontuz aztertu behar direla eta kontuan izan pandemiaren eragina egon dela tartean.
