Gaztearen desagerpenaren berri etxekoek eman dute Oñatiko Udaltzaingoan goizean, eta bilatzen laguntzeko eskatu. Berehala joan dira udaltzainak Asentzioko mendi-gunera, eta han daude oraindik. Udaltzaingoak Ertzaintzara pasa du abisua, eta 12:00etan mendi-erreskateko taldea bidali dute hara, helikopteroa barne.
Hain zuzen ere helikopterotik ikusi dute gaztea eta barruan zihoazen erreskateko bi ertzain jaitsi dira gaztearen bila; 13:45 inguruan izan da hori. Gaztea onik dagoela baieztatu dute Udaltzaingoak eta Ertzaintzak; "zauriak ditu, baina ondo dago".
GOIENAk hainbat iturritik baieztatu duenez, lagun batzuekin joan zen gaztea atzo mendira, baina bakarrik zegoen desagertu zenean.
