Haren argazkiak jarri dituzte hura gogoan eta liburutxoan agur mezuak idazteko aukera izan dute. Ekitaldia goxoa eta hunkigarria izan da: aurreskua dantzatu diote lehenengo, kanta bat eskaini dio Aiert Alberdi musikari gazteak, eta bukaeran, Txoria txori abestu diote elkartutako guztiek.
Lanera zihoala hil zen institutuko irakaslea eta ELA, LAB eta STEILAS sindikatuek bere aldetik, adierazi dute lan-istripua izan zela. Hori salatzeko elkarretaratzea egin dute gaur, Zuazola-Larraña institutuaren aurrealdean. Prekarietateak hil egiten duela eta lan-istripu gehiagorik ez leloarekin elkartu dira hainbat lagun.
