1997ko uztailaren hasieran atxilotu zuten Usandizaga Ortega Lara askatzeko operazioaren baitan, 37 urte zituela. 2000ko azaroaren 10eko epai batean kondenatu zuen Audientzia Nazionalak (Xabier Ugarte, Joseba Erostegi, Jose Gaztelu eta Josu Uribetxeberriarekin batera) , Ortega Lararen bahiketarako azpiegitura prestatzea leporatuta. Angela Murillo zen epailea. Bitarte horretan behin-behineko espetxealdian egon zen.
Ia 23 urte egin ditu espetxean Usandizagak eta gaur, ekainak 5, arratsaldean gelditu da aske Kordobako kartzelatik. Emaztea, alaba eta anaia bat zituen zain kanpoan.