ALBISTEAK

Segurtasun neurriak hartuta ospatu dute eskola kiroleko denboraldi amaierako jaia

Maialen Regueiro 2020ko mai. 29a, 18:33

Zubikoa kiroldegiko kantxa urdina, Oñatiko eskola kiroleko denboraldiari amaiera emateko jaiaren eszenatikoa izan da egunean zehar eta guztira, 532 ume inguru igaro dira bertatik oparitxoa jasotzeko. Gauzak horrela, gaztetxo oñatiarrak pozik gerturatu dira kiroldegira, sokasaltoan aritzeko soka edota edalontzia zituen poltsa jasotzeko aitzakiarekin.

Segurtasun neurriak

Isma Zubia, eskola kiroleko koordinatzaileak adierazi bezala, gaurko jaia segurtasun neurriak hartuta egin da eta horretarako, kantxa urdinean lau txoko jarri dituzte, ikasleen mailaren arabera banatutakoak. Gauzak horrela, ikasleak sartzeko zein irteteko eremuak bereiztuta egon dira eta sartzeko ilaran eta txandaka egin behar izan dute, jende asko pilatu ez zedin.

Urteko egutegia

Zubiak aipatu du baita ere, koronabirusaren eraginez presentzialki egitekoak ziren ekintzak bertan behera uzteko erabakia hartu zutela, baina egoeraren aurrean, hainbat ekintza modu birtualean egin dituztela. Denboraldia amaituta, Oñatiko Eskola Kiroleko koordinatzaileak hurrengo ikasturteko prestaketa lanetan hasiko dira datozen egunetan. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak