Oñatin ikasitakoak Baltistanen aplikatzeko proiektua

Pakistango bi lagun izan dira Oñatin Baltistan Fundazioak eta Mondragon Team Academy-ren arteko lankidetzari esker. Ekintzailetasuna zer den eta nola lantzen den ikasi dute eta formazio hori Baltistango 20 gazteri erakutsi eta euren proiektuak martxan jartzea da orain asmoa. Baltistan Fundazioko Pedro Ibarra eta Alberto Iñurrategi eta proiektuan parte hartu duen Shazia Maryam gaztea izango dira gaur iluntzeko hitzaldian; 19:00etan kultura etxean.

Pakistango iparraldean dagoen Baltistan herrialdeko gazteei euren proiektuak gauzatu ahal izateko formazioa emateko proiektu bat egin dute Baltistan Fundazioak eta Mondragon Team Academy-k. LEINN graduaren bitartez, Ekintzailea eta Berrikuntza gradua, elkartrukea egin dute hango ikasleekin. Hala, hango bi lagun izan dira Oñatin, Basharat Ali eta Sahazia Maryam, eta hil honen bukaeran Oihane Aizpurua ikasle oñatiarra joango da hara Shaziarekin batera hemen ikasitakoa elkarrekin han ezartzera. Sei hilabete egingo ditu oñatiarrak Baltistanen.

Hitzaldia eta laburmetraia

Gaur, urtarrilak 15, proiektu horretan parte hartu duen Shazia Maryam-ek, Baltistan Fundazioko presidente den Pedro Ibarrak eta Alberto Iñurrategi mendizaleak parte hartuko duten hitzaldia egongo da kultura etxean. Proiektuaz gain, hango errealitateaz berba egingo dute. Gainera, I forgot myself somewhere izeneko film laburra ere emango dute, Hushe ibarreko emakumeen bizitza gogorraren ideia xume bat eskaintzen duena.

Kultura etxean da ekitaldia, 19:00etan.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete