Oñatiko emakumeek historian zehar herriari egindako ekarpenak jasotzeko eta zabaltzeko helburua du Selma Huxely Barkham bekaren bigarren deialdiak ere.
Oñatiko Udalak ematen duen aurtengo beka 18.000 eurokoa da eta hemezortzi hilabeteko iraupena. Bi zatitan banatuko da: lehenengo urtea ikerlana egiteko izango da eta azken sei hilabeteak jasotako informazio hori herritarren artean zabaldu eta hedatzeko.
Gaur goizean egin dute deialdiaren aurkezpena udaletxean eta azaroaren 18ra arteko epea jarri dute lanak aurkezteko. Epaimahaiak erabakiko du gero aurkeztutako zein proiekturi eman beka.