Alzheimerra ardatz hartuta jarri dute martxan 'Oroimenean' ekimena Ganbara Faktoriak eta Hots Abesbatzak

Irailaren 21ean izango da Alzheimerraren eta Endekapenezko Gaixotasunen Nazioarteko Eguna, eta egun horretan estreinatuko duten ikuskizunarekin borobilduko dute Ganbara Faktoriak eta Hots Abesbatzak  'Oroimenean' izeneko proiektua. Ekimen horren barruan, herriko komertzio ugariren laguntzarekin sentsibilizazio kanpaina bat egingo dute iraila osoan zehar; eta hilaren 18an, Alzheimerrari buruzko hitzaldia emango dute Oñatin AFAGI elkartekoek.