Egun, pertsona bat babeslekua jasotzeko eskatzaile gisa onartua izateko tramiteak luzeagoak dira, 6 eta 15 hilabete bitartekoak hain zuzen. Larraña Etxearen helburua bitarte horretan pertsona horien beharrei erantzutea da. Alternatiba bideragarriak eta egonkorrak eta beren egoera eta interesetara egokitzen direnak bilatu bitartean.
Egun Larraña etxean Venezuela, Ukraina eta Sahara Hegoaldeko egoiliariak dituzte esaterako. Salbuespen gisa, aterpetxeak ahultasun-egoeran dauden edo Euskadira heldu berriak diren migratzaileak ere hartzen ditu.
Zentroak pertsona horien oinarrizko beharrei erantzuten die: jateko eta lo egiteko espazioa, osasun-arreta, arreta juridikoa eta prestakuntza hain zuzen.
Aterpetxeak joan den urrian ateak ireki zituenetik Larraña Etxeak 132 pertsona hartu ditu, 27 nazionalitatetakoak. Egun, zentroan 84 pertsona bizi dira; horien artean, kargura adingabeak dituzten hiru familia eta bikote bat.
