Botoen kontaketa egindako, 3.620 boto lortu ditu EH Bilduk eta 2.359 EAJk, 1.261 gutxiago. Alderdi sozialistak 319 boto hartu ditu baina ez du eserlekurik lortu. Beraz, agintaldi berrian ez da aldaketarik egongo Oñatiko udalbatzan: EH Bildu egongo da Udal Gobernuan 10 zinegotzi lortuta eta oposizioan egongo da EAJ, 7 zinegotzirekin. Beste datu bat da parte-hartzeak igo egin duela, %73a izan da.
Hirugarren aldiz jarraian irabazi ditu EH Bilduk udal hauteskundeak, oraingoan, gainera, duela 8 zortzi urte baino boto gehiago lortuta; datu historikoak izan ditu, mahai guztietan irabazita. Agintaldi berrira begira jarrita dago dagoeneko EH Bildu.
EAJ lasai zinegotzi kopuruari eutsita
Alderdi jeltzaleko zerrendaburua, Ainhoa Galdos, lasai dago zinegotzi kopuruari eutsi egin diotelako. Puntu bat jaitsi arren, oñatiarren boto fidagarriak dituztela adierazi du, talde eraberritua dutela eta lanerako gogoz daudela.
Hemendik aurrera, agintaldian elkarrekin lana egiteko gertu daudela adierazi dute udalbatza osatzen duten alderdi bietako zerrendaburuak.