Azken urteotan EH Bilduk bertan gobernatu eta gero Oñatik paralisi egoera bizi duela azaldu zuen Egibarrek, eta hortik irteteko beharra azpimarratu zuen: "Herri bezala lokartuta gelditzen bazara, etorkizunerako aukerak galtzen ari zara, eta herri batek aurrera egin dezan erabaki estrategikoak hartu behar ditu". Ildo horretatik EAJk gobernuan izan den urteetan hartu izan dituen erabakiak goraipatu zituen: "Zorionez 1977tik gaur egun arte, EAJren eskutik erabaki estrategiko asko hartu izan dira Oñatiren mesedetan".
Horren harira, EAJ alderdiaren proiektua bi zutabetan oinarritzen dela gaineratu zuen Gipuzko Buru Batzarreko presidenteak: sozio-ekonomikoa, batetik, eta politikoa, bestetik, eta bi zutabe horien uztarketa urteetan zehar egin eta eman dela EAJren eskutik.
"Ilusioz eta proiektu sendoarekin"
Oñatiko EAJko alkategai Ainhoa Galdosek herrian aldaketa emateko ilusioz daudela azaldu zuen; "ilusioa kemena eta lanerako gogoa uztartzen duen giza-taldea" osatu dutela, eta "pertsonak erdigunean jartzen dituen proiektu sendoa dutela. Bukatzeko, bakoitzak bereari eutsiz baina besteena errespetatuz lasaitasuna eta patxada aldarrikatu zituen.