Oñatiko Udalak Zubikoa kiroldegiaren handitze eta eraberritze proiektua jarri du martxan agintaldi honetan. Izan ere, kiroldegiaren lehen eraikuntza 1980an egin zen eta harrezkero ez dira lan handirik egin. Hala, Mikel Biain alkateak eta Denis Itxaso, Kultura eta Kiroleko diputatuak, Zubikoako eraberritzeari ekiteko hitzarmena sinatu dute. Hitzarmena sinatu ostean, Zubikoara gerturatu dira instalazioak ikustera.
Biainek adierazi du "LKS izan da proiektuaren diseinuaz arduratu dena eta hurrengo egunetan aurkeztuko da". Egin behar diren lanen artean honakoak daude: batetik, igerilekuak eta gimnasioak handitzea eta bestetik, bulegoak, estalkiak, harrera, aldagelak eta sauna berritzea. Proiektuaren kostea 5.823.954 euro gehi BEZ dira eta Aldundiak 453.920 euro jarriko ditu. Hala, Biainek eskerrak eman dizkio Aldundiari adierazitako elkarlanagatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.