Hitzarmena
- Lankidetza programa 2018ko uztailaren 1etik 2019ko ekainaren 30era bitartean gauzatuko da.
- ULMA TALDEA Koop. Elkarteak enpresan laneratze prozesua amaitzen duten pertsonak ahal den neurrian aldi baterako kontratatzeko konpromisoa hartu du.
- Oñatiko Udalak gizarteratze eta laneratze prozesutik datozen pertsonak kontratatzeko diru-laguntza programa sortuko du, Oñatiko 50 langile baino gutxiago dituzten enpresei zuzendutakoa.
- 2018ko deialdian, araututako laguntzak finantzatzeko baliabide ekonomikoak 20.000koak izango dira.
- Pertsonen kontratazio eskaerak eta ebazpenak Oñatiko Udalak kudeatuko ditu.
- Ulma Fundazioaren eskuetan egongo da agortu ez den diru kopurua balizko hurrengo deialdi batera bideratzeko erabakia hartzea.
- Bidebarri Enplegu Zentroa S.L. enpresak pertsona bakoitzaren laneratze ibilbide pertsonalizatua egingo du.
- Hiru erakundeak, programa honen zabalpena egiteko konpromisoa hartzen dute.
Ulma Fundazioa
Ulma Fundazioko presidentea den Raul Garciak adierazi du kooperatiba bat diren heinean, funtzio sozialei jarraitu nahi dietela; ez bakarrik diru-laguntzak ematea, baizik eta funtzio horietan murgiltzea.
Bidebarri Enplegu Zentroa
Bidebarriko zuzendariak, Jon Igartuak, honakoa adierazi du: “Bidebarri sortu zenetik, 1996tik, jaso dugu Ulma Taldearen laguntza ekonomikoa. Orain laguntza horri forma aldatu diogu lan-kontratu erakoa bilakatuz”.