Martxoaren 11n egitekoa zen Oñatiko duatloia bertan behera geratu da

Mireia Bikuña 2018ko ots. 21a, 16:05

Aloña Mendi Triatloi taldea federazioaren baimenaren zain zegoen 27. ekitaldia prestatzeko. Azken urteetako zailtasunak gehitu egin dira eta horregatik aurtengoa ez egitea erabaki dute.

Iaz zapatu arratsaldetik domeka goizera pasa behar izan zuten duatloia baimenak lortzeko izandako zailtasunengatik. Aurten, domeka arratsaldean egiteko konpromisoa ere bazuten triatloi taldekoek, baina, data gainean izanik baimen barik zeudela ikusita, 27. duatloia bertan behera uztea erabaki zuten aurreko egubakoitzean. 

Zirkulazio arauak aldatu zirenetik, arazoak handitu egin dira halako probendako antolatzaileendako. Elorregitik Oñatira arteko errepidea erabat itxita egon behar zen ordu eta 40 minutuz. Hori horrela, iazko duatloiak balorazio negatiboa jaso zuen alor horretan. Bestalde, halako lasterketa bat egutegian kokatzeko arazoak daude. Asko direlako bizikleta gainean egiten diren probak.

Duatloi txikia lehen aldiz

Nagusiendako duatloia bertan behera geratu izanagatik ere, gaztetxoendako duatloia egingo dute lehenengoz, martxoaren 17an. Benjaminendako, alebinendako eta infantilendako duatloia izango da. Lehen bi lasterketak neutralizatuak izango dira. Infantil mailakoena, lehiakorra eta sailkapenarekin.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak