Udal Gobernuak logotipo berria diseinatu du, gobernantzaren irudi berria izan dadin

Irudi berria estreinatu du Oñatiko Udal Gobernuak. Oñati, dabilen herria du izena, eta dinamismo hori erakusteko forma biribila hartzen du, era berean, Oñatiren 'O' letra ere islatuz.

Gobernantza kontuetarako erabiliko den irudia izango dela nabarmendu du Mikel Biain alkateak.

Logo berriarekin irudikatu nahi duten aro berriaren ezaugarriak gardentasuna, gertutasuna eta efizientzia izango dira. Horiek lantzen hasteko hainbat ekintza prestatu dituzte datozen aste eta hilabetetarako.

Horrez gain, gardentasunarekin lotutako Gipuzkoa irekia atarian sartzeko lotura jarriko dute webgunean, eta 2017an tramite eta espedienteak paperetik formatu elektronikora pasatzeko prozesuan aurrerapausoak iragarri dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.