Oñatiko jaiak segidan izan dira aurten eta jaien egitarauan aldaketa batzuk ekarri zituen horrek. Behin jaiak pasata, balorazio positiboa egin du udaleko kultura zinegotziak:
Doctor Deseoren kontzertua izan da aurtengo apustuetako bat eta asmatu zutela ondorioztatu dute kultura ordezkariek, zaparrada batzuk egin arren, jende asko egon zelako kontzertuan. Herri Eguneko bazkari herrikoian umeen menuak harrera ona izan zuen eta inoiz baino familia gehiagok bazkaldu zuten zapatuan Zubikoa kiroldegian. Gaztetxoendako antolatutako jolasak eta nobedadeek ere erantzun ona izan dute:
Udaltzaingoak esandakoaren arabera, segurtasunaren aldetik ez da arazorik izan Oñatiko jaietan eta sexu eraso salaketarik ez da jaso. Hala ere, egon da zer salatua:
Urrian hasiko da ikasturtea Oñatin eta kultura saila hasita dago urtea bukatu bitarteko ekitaldiak antolatzen, tartean: laburmetraien rallya, azaroko musika kontzertuak eta Gabonetako egitaraua.
Herriko jaietako azken ekitaldia baina, egubakoitzean egingo da: bertso saioa Zubikoa kiroldegian, 22:30ean.
