Eguraldiak lagundu ez arren, hamabi herritatik etorritako haur eta gaztetxo dantzariak pozik erakutsi dituzte aurrez ikasitako dantzak harmailak jendez lepo zeuden Zubikoa kiroldegian. Guztira ia 800 lagun mugitu ditu Haurren Egunaren 46. aldiak; 650 dantzari eta 150 arduradun eta laguntzaile izan direlako.
"Euskal dantzak gure kulturaren parte dira eta horiek mantentzea oso garrantzitsua da", esan du eguerdian Oñatz dantza taldeko umeen arduradun Arkaitz Bengoak. Kanpotik etorritako 350 dantzari izan dira Oñatin eta herriko beste 300 dantzarik ere parte hartu dute Haurren Egunean.
Arratsaldeko alardea ere Zubikoa kiroldegian egin dute, eguraldiagatik.
Oñatikoa, Zarauzkoaren ostean, udazkenean egiten den bigarren Haurren Eguna izaten da, gehientsuenak udaberri aldera egiten baitira.
2016 ira 18 Oñati
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
