Laugarren urtez ospatu dute Trauti Eguna

Eguraldia ez dute lagun izan gaurkoan, baina hala ere, gutxitu sentsorial, psikiko eta fisikoak biltzen dituen Trauti elkarteko kideak herriko plazan izan dira urteroko aldarrikapen bera egiten, eta herritarrak bazkide izatera animatzen.

Hamaiketakoa, pintxoak eta edaria ez dira falta izan, euriari eta eguraldi petralari aurre egiteko, eta umeek, gainera, jolasak egiteko aukera izan dute. Udaletxeko arkupeko hormak Trauti elkartearen lana goraipatzen duten eskoletako haurrek egindako marrazkiz bete dituzte.

Umeek, gainera, gurpildun aulkiekin ibiltzeko aukera izan dute, eta baita itsuak balira bezala, begiak estalita makilarkein moldatzen ikasten ibili dira plazan.

Lukene Igartua Trautiko kideak azaldu duenez, udazkenerako beste ekintza batzuk antolatuko dituzte. Igartuaren, esanetan, "elkartea osasuntsu dago", eta laugarren urtez jarraian Trauti eguna ospatzea garrantzitsua da eurentzat.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.