Osakidetzan arreta euskaraz jasotzeko 100 eskaera baino gehiago

Atzo, eguaztena, arratsaldean egon ziren eskaerak jaso eta bideratzen, Euskaldun Berria aretoan, Oñatin. Dokumentazio klinikoa, pediatria, traumatologia edota erresonantzien emaitzak euskaraz jasotzeko eskaria egiteko idatziak prest zituzten –dozena bat ezberdin aukeran– eta interesatuek horiek bete eta Elebidera bideratu zituzten. Osasun arreta euskara hutsean jasotzea da eskatzen dutena eta, "hori horrela izan dadin, ezinbestekoa da behar beste alditan eskaera egitea", Kepa Elortza oñatiarraren hitzetan.