Akordio honi esker, argazki horiek edozein herritarrek ikusi eta bilatu ahal ditu orain udal artxioban.
Horrez gain, bi udal ordenantzen inguruko aldaketak behin betiko izaeraz onartu ditu udalbatzak, aho batez: gazteen aisialdiko lokalak arautzekoa bata, eta Zubikoa kiroldegian publizitatea jartzeagatik ordaindu beharreko tasak, bestea.
Hamasei puntu izan ditu urtarrileko osoko bilkurak eta azkena, Epeleko hondakindegiaren inguruan EH BIlduk aurkeztutako mozioa izan da. EH Bilduk, egungo egoera eta erabilera soilik mantendu dadila proposatu du mozio horren bidez eta Gipuzkoako Hondakinen Kontsortzioari gaiaren egoeraren inguruko informazio osoa ematea eskatu dio. EAJk mozioaren aurka bozkatu du hori aurkezteko momentua ez dela orain argudiatuz.
Ordu erdi eskas iraun du osoko bilkurak eta amaitu aurretik Gasteizko gertaera salatu du Mikel Biain alkateak udalbatza osoaren izenean.
