Goi mailako gonbidatuekin egin dute literatura topaketa

Mirari Altube Arrese 2015ko urr. 25a, 15:58

Bibliotekaren Nazioarteko Eguna dela urriaren 24a aitzakia hartuta literatura topaketa egin zuen atzo liburutegiak. Goi mailako lau idazle –Cristina Morano, Jose Daniel Espejo, Hedoi Etxarte eta Danele Sarriugarte– elkartu ziren herritarrekin kultura etxean eta kontu kontari jardun zuten guztiek. 

Morano, Espejo eta Etxarte poetak eta Sarriugarte idazlea izan zituzten lagun oñatiarrek literaturaren gaineko mahai-inguruan. "Solasaldi polit bat izatera etorri naiz, aberasgarria izango delakoan", zioen Sarriugartek ekitaldi hasieran. Literaturaren funtzio soziala gai hartuta jardun zuten berriketan, eta beste gai batzuen artean kontatu zituzten jendearen aurrean zelan moldatzen diren, kritikak zelan hartzen dituzten eta zertarako idazten duten.

Irakurketa saioak azaroan hasita

Sarriugarte izango da Tertulixan irakurleen klubeko moderatzailea eta lehenengo saioa azaroaren 19an egingo dute. Uxue Apaolazak idatzitako Umeek gezurra esaten dutenetik ipuin liburuaren gainean jardungo dute. "Tertuliek aukera ematen dute zuk irakurritako horri beste toki batzuetatik begiratzeko. Eta benetan aberasgarria da liburuen gainean jarduteko elkartzea", dio moderatzaile izango denak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak